Back by popular demand?

Ég hef verið að velta fyrir mér möguleikanum að byrja að blogga aftur. Það er oft ágætis útrás fyrir tjáningarþörf mína og mér finnst sjálfri gaman að lesa blogg hjá öðrum, sjá hvað er að gerast hjá þeim.

Annars er ég að hugsa um að segja endanlega skilið við moggabloggið, ég saknaði alltaf blogspot bloggsins míns, hérna hef ég bloggað síðan ég var bara busi í Kvennó, pælið í því. Ég sagði skilið við blogspot vegna tæknilegra örðugleika en þar sem þeir eru ekki til staðar lengur ætla ég bara að byrja hér aftur. Ég vil ekki halda áfram á Keele blogginu, ég ætla bara að halda því svona eins og það er :) Einskonar ferðasaga á netinu.


Eina sem ég hef áhyggjur af er að það séu allir hættir að tjekka á bloggunum mínum, svo það eigi enginn eftir að vita af því að ég sé að blogga. Þannig að ef þú ert að lesa, vinsamlegast réttupphönd í kommentakerfið!

Kær kveðja,
Anna Margrét

Fyrir enskuna

Isis

This is a test

Hmmm....

Isis

Test 1,2,3.

Hmmmm.... I wonder...

Isis

Ég sveik lit.

Isis

Jólajóla

Jæja, þá eru komin fyrstu jólin mín sem ég hef nokkurn tímann upplifað veik. Það var ekki gaman að geta varla borðað þennan ótrúega girnilega og bragðgóða mat sem mamma eldaði. Ég skalf bókstaflega við matarborðið. Helvítis magaflensudæmi. Hins vegar náði ég mér ágætlega seinna og ég er góð núna. Ætla meira að segja að fá mér ávexti með ís (sem ég tel mun heillavænlegra heldur en að borða ís með ávöxtum, ef maður tekur með í reikninginn veikindi mín). En ef þú lesandi góður þekkir mig, þá veistu hvað ég hef miklar mætur á jólunum, og afhverju mér þykir þar af leiðandi mjög sárt að vera veik um jólin.

Þrátt fyrir allt hafa þetta samt hingað til verið alveg hreint frábær jól. Mér var gerspillt af fjölskyldunni og allir voru mjög ánægðir með það sem þeir fengu frá mér, sem ég var mjög sátt við. Ég fékk svo mikið af seríum til að horfa á að ég sé fram á að liggja í leti fram í febrúar. Og í þeim skrifuðu orðu (orðum hins sanna jólaanda, góðs matar og ánægju með gjafir) ætla ég að fara að horfa á Scrubs, drekka appelsín og slaka á.

Gleðileg jól elskurnar, og hafið það dúndurgott :)

Jólakveðja, JólaIsis (eða páskakanínan eins og ég skrifaði á einn pakkann til brósa frá mér ^^)

Anna dúdent

Eftir furðulega "athöfn" inni á skrifstofu skólastjórans ("uuuuh, hæ! Ég er að sækja stúdentsskírteinið mitt...") kvaddi ég gamla skólann minn með orðunum "Okei, takk fyrir, bless". Því var reyndar beint til Villu og Dísu á skrifstofunni. Ég kem svo aftur fyrir alvöru athöfn í maí, en fyrir mér er ég alveg jafn stúdent og hver önnur manneskja þannig að mamma mældi fyrir húfu fyrir mig og eldaði í tvo daga svo ég gæti haldið hreint ágæta veislu. Ég hjálpaði nú samt. Pínu.

Alir sem komu höfðu eitthvað fallegt að segja, allir skrifuðu einhver falleg orð inn í kortið mitt, og ég held svei mér þá að ég hafi roðnað oftar en einu sinni þetta kvöld. Ég er hæstánægð með veisluna og með einkunnirnar og ég er mjög ánægð að þessu er lokið. En ég á samt eftir að sakna Kvennaskólans.

Takk fyrir mig.

Anna Margrét